عارف إنى واحد تانى .واللى باقى من زمانى مش بإيدى أو عشانى.كان قلبى بيغنى. بس البكى خنى. العمر ليه ماشى والجرح مستنى
الثلاثاء، 22 يونيو 2010
إسمى خالد سعيد
يا مصر.لأ إنتى مش أمى
إنتى بقيتى مرات أبويا
واحدة تانية معرفهاش
وقبل كده مشوفتهاش
فين حنيتك وطيبتك
راحوا فين؟وجت منين قسوة قلبك
هنت عليكى يامة
دمى اللى سال على إيدك
شاهد على صمتك وسكوتك
ليه يامة مدافعتيش عن وليدك
مش كان ميلادى يوم عيدك
خلتينى فى يوم موتى أبقى فقيدك
هنت عليكى يامة
حياتى أدفعها ثمن لكرامتك
وبروحى أحرس تراب أرضك
أديكى دفنتينى بيدك
فى الأرض المروية بدم إبنك
هنت عليكى يامة
أمانة عليكى ما تنسى شهيدك
اللى بروحه ساومك
وبرضه على عشقك قليلك
إوعى تنسى إبنك
اللى يوم ما تولد كان يوم سعدك
ويوم ما مات.ماتت البهجة فى قلبك
أنا يامة مسامحك.بس إوعى تنسى إسمى
إسمى خالد سعيد
20,19/6/2010
الأحد، 6 يونيو 2010
الخميس، 3 يونيو 2010
قومى يا مصر
الاشتراك في:
الرسائل (Atom)