طلة القمر

طلة القمر إنتى وف نينى العين نمتى
ف القلب سكنتى وف الدم سيرتى
أحب غيرك إزاى وإنتى حبيبتى
وإنتى اللىسرقتى الفرح وهربتى
وأعشق غيرك إزاى وإنتى معشوقتى
وإنتى بلدى وأمى وأختى
إنتى الناس والإحساس
وإنتى الحب اللى مينساش
إنتى الناس والنيل
وإنتى الحُسن الجميل
إنتى الناس والهرم
وإنتى أصل الكرم
إنتى الناس والبحر
وإنتى المطر والنهر
إنتى اللى هجرتينى وسافرتى
وإنتى اللى حطمتينى ورحلتى
إنتى الجنة والنار
وإنتى شاطىء الأسرار
نعيمة أو نادية أو فايزة
هو ده الفن اللى أنا ليه عايزة
نهى أو منى أو حتى زوزو
هو ده الفن اللى إحنا نعوزو
سميحة أو فاطمة أو حتى أميرة
مانا لحبك بقيت أسيرة
سلوى أو هدى أو حتى شفيقة
ما إنتى اللى ع الحب صغيرة
عزيزة أو إيمان أو حتى عديلة
ما إنتى اللى رحتى فى يوم وليلة
هى ماما سعاد
حبيبتى أنا . نور عينى أنا
ملكة قلبى ومتربعة على عرشه
أخت القمر . نور الضحى
ملكة الصباح ومنورة على شمسه
ماما سعاد . مامتى أنا
حبك فى قلبى ما حييت
ما إنتى الحضن والسكن والبيت
25/11/2005
8.30 مساءاً

دعاء لرب العباد

يارب يا مسهل سهلها علينا
ولا تشمت فينا أعادينا
ولا تفرقنا عن حبايبنا وأهالينا
وإبعد الحزن والدموع عن قلوبنا وعينينا
وقرب الفرح والبهجة للى حوالينا
يارب يامسهل سهلها علينا
وقرب رمضان علينا وحبب الناس فينا
وجعلنا منصورين مجبورين الخاطر يارب العالمينا
وإجعلنا فى الجنة مع الصالحينا
وصلى وسلم وبارك على أشرف المرسلينا
سيدنا محمد نبى العالمينا
يارب يا مسهل سهلها علينا
يارب بارك لنا فى صحتنا
يارب بارك لنا فى أهلنا
يارب بارك لنا فى قوتنا
يارب بارك لنا فى أموالنا
يارب بارك لنا فى مارزقتنا
يارب بارك لنا فى صباحنا ومسائنا
يارب بارك لنا فى مشينا وجلوسنا
إستجب لنا يارب العالمينا
يا مجيب السائلينا
يارب يامسهل سهلها علينا
20/10/2003
تم كتابته وبلورت فكرته فى قطار أبو قير

ساعة فى قرب الحبيب ( رسالة محبة لفريد الأطرش)

يا ملك العود

(يا وحشنى طال غيابك)
فينك يا (فريد) وفين ألحانك
الواحد زعلان لغيابك
فين (يا قلبى يا مجروح)
اللى بداوى الجروح
صوتك بيأثر فية
بينزل الدموع من عينية
تعالى يا (فريد) شوف ألحان دلوقتى
ملهاش طعم ولا فيها ذوق
أفتكرلك إيه يا (فريد)
هو أنا أقدر أنسى
(الربيع) جه يا (فريد) وإنت مش معانا
ولا ليه طعم وإنت مش ويانا
(يا جميل يا جميل) (يا فريد)
على لحنك هو الدليل
يا (وحيد)الأغنية العربية
سبقت عصرك ومتعتنا معاك
بأحلى الألحان والأنغام كنا وياك
(وإيه ثمن الشهرة إلا الدموع)
قولتها فى (رسالة غرام)
وإنت أكبر محبة فى حياتنا
و(ماتقولش لحد) بحبك فيه
علشان بيفكرنى بيك
من قلبى ببعتلك ميت ألف تحية
وباقة ورد مندية
لـــــ(فريد) (أبو ضحكة جنان)
21/9/2002
3.20 صباحاً

القلب المجروح

فراقك للقلب المجروح
خلى صوتى منبوح
تقدر تقوللى ليه بتروح
وبتجيلى بعد طلوع الروح
فى بُعدك قلبى بينوح
وإنت مش حاسس وبتروح
روح مطرح مطروح
وخد معاك القلب المجروح
10/6/2000

(حافية القدمين)

بكتبلك على ورق الشجر . ودموعى زى المطر
بكتبلك على ورق الليمون . مانتى الحب المجنون
بكتبلك فى الربيع . مانتى الجمال البديع
بكتبلك فى الصيف . مانتى الندى اللطيف
بكتبلك فى الشتا . ما نتى نور السما
بكتبلك فى الخريف . مانتى ألوان الطيف
ومين ينسى (سامية بك جمال)
إنتى السمو والجمال و إنتى الرقة والدلال
سبحان من ابدع فى جمال سامية
من الجمال المصرى بسمار الأب
للجمال المغربى بأصالت الأم
من (ولعة) (ماتقولش لحد)
لــــ(سامية) (الرجل التانى)
والورد لون الجراح .يا (سكرة )(عفريتة هانم)
مين يقدر ينساكى إنتى و(فريد)
فى (تعالى سلم) و(حبيب العمر) و (اخر كدبة)
ولا( سمعة) الحبوب فى (النشالة هانم)
وماما شادية معاكى فى (زقاق المدق)
و(عبد العزيز محمود) أبوصوت ممدود فى (أسمر وجميل)
(يا بو الخلاخيل.يخطر ويميل.راح ياخد من كعبك حتة)
ومين يقدر ينسى دورك الوطنى فى حرب 56
وتطوعك مع الفدائيين
مين ينسى (زينب إبراهيم)
مين ينسى (سامية جمال)
مين ينسى(حافية القدمين)
17/12/2005
12.45 مساءاً
إهداء إلى الفنانة القديرة سامية جمال لدورها الفنى البارز فى السينما المصرية ولدورها الوطنى الرائع الشجاع فى حرب 56

تحت حطب الغضب

مات الرسول
قتل الخليفة
هرب الصعلوك العلوج
وسقط القناع المزيف
وتفتت التمثال
يا للخيانة العظمى
لقد باعوا الأرض والكرامة العربية
أرض هارون الرشيد تستغيث وامعتصماه
لقد تركوها تغتصب أمام أعينهم
وهم يتفرجون ويلهون
ويضحكون ولا يتحركون
يا عار كل العرب إن لم يتفقوا ويتحدوا
دائماً يتفقواعلى ألا يتفقوا
أين كلمتكم؟ أين صوتكم؟
لا صوت ولا كلمة
لعنة الله ورسوله عليكم
على أمة أصابها الدمار والخراب
يا للخيانة يا للعار على ما أنتم فيه الآن
الغرباء يتحكمون فى بلادكم وفى قوت يومكم
أهانت عليكم كرامتكم إلى هذا الحد
واإسلاماه
دائماً تبكون على الماء المسكوب
على الماضى السحيق
وتلطمون خدودكم على أمجاد
الأجداد البعيد
لقد ذهبت مع ما ذهب ولن تعود
لن يعود يوسف ولن يعود محمود
إلا بوحدتكم وإيمانكم وقوتكم
ولكن هيهات
دائماً تسدوا أذانكم بأيديكم
ولا تسمعون صراخ البلاد وبكائها
وهى تغرق مع أحزانها وتتركوها تغرق وتغرق
كالرسالة التى تغرق تحت الماء
وتنظرون فقط بأعينكم لمصالحكم
يا خيبة أملى فى أهلى وعشيرتى
أرض بغداد الحزينة تنادى
وامعتصماه
ولا حياة لمن تنادى
متى تتفقون؟ متى تتحدون؟
متى تكونوا قلب واحد ورجل واحد؟
متى يا عرب؟ متى يا أمة محمد؟
وإلى متى تنتظرون؟
حتى يأكل الأسد كل الثيران
يا عار كل العرب ويا خزى عروبتى
إلى متى هذا الإحباط واليأس والذل
وإلى متى هذا الصمت المميت؟
إلى متى ستظلون كالجسد الميت
الذى لا يتحرك ولا يشعر
دماء المدينة على أيديكم شاهدة
على آلامها وجروحها وهى تصرخ
وامعتصماه وامعتصماه
وهى تنادى أين أنت يا بن الخيزرانة؟
أين أنت يابن المهدى؟أين أنتم يا عرب؟
بالله عليكم تماسكوا
فالطوفان قادم إليكم سيأخذ ارضكم وبلادكم
ولكن دائماً تموت الإجابة مع أصحابها
لكن لا والله لن ولم ينتهى
عهد الإسلام والمسلمين
ولن يموت العرب أجمعين
والله وعز وجلالة رب العباد
أبـــــــــــــــــــــــــــــــــــداً
لن تسقط بغــــــــــــــــداد
19/5/2003

سماء بلا بدر

خسارة فينا
إن القدر وهبك لينا
قتلناك بمشاكلنا وهموم ليالينا
وما رحمنا جمال اللى حامينا
والله إشتقنا
للضحكة الصافية
وللطول الفارع
وكلمتك لينا:
يا أيها المواطنون
تحب أقولك حكايتنا؟
بس صلى على نبى أمتنا
الحكاية بتقول:
وهبت للثورة عمرك
ومنحت حبك لجماهيرك
نسينا أعدائك وما زلنا فكرينك
حققت مطالبنا ليك
ومكسرتش بأملنا فيك
الأمة العربية إجتمعت على تأييدك
ما إنت الناصر لناصرينك
رمل الصحرا يشهد عليك
إنك خضرته بإيديك
الشعب كله صدقك
لما قلت وإعترفت
إنك (لم تخادع ولم تضلل)
ما زلنا فى حاجة ليك
عايشين على ذكرى لياليك
الجسد رحل معاك
بس الروح طايرة فى سماك
وفقدنا الونيس والأنيس برحيلك
بعد ما قلت جملتك الشهيرة:
حنأمم القنال
قلبنا وجعان على اللى جرالنا
تعالى شوف زمان كان إيه حالنا
كنا كبار
كبار أوى وإحنا معاك
كبار والعدو قبل الصديق يحتار فيك
ويعمل ألف حساب لينا وليك
بقلنا سنين صغيرين
صغيرين أوى يا جمال
يا حبيب الملايين
ما بقاش لينا لا ملامح ولا وجود
سبحان ربنا المعبود
كنت فى نظرنا أرجل الرجال
ومن بعدك بقينا فى حال غير الحال
8/4/2009
11 مساءاً

عندك حق

عندك حق أنا اللى عطيتك الفرصة تهجرنى وتبعد عنى تجرحنى وتقسى علية تهملنى ولا تسأل فية وأسأل ولا ترد علية دلوقتى ما بقتش ف خيالك وزمان كنت بخطر ع بالك دلوقتى نستنى بعد ما تمنتنى بعد ما جريت ورايا وترجتنى عندك حق أنا اللى عطيتك الفرصة خلاص ما بقتش تفكر فية ما بقتش تشتاق لعينية ما بقتش أوحشك ولو ثانية خلاص بقى غالى السؤال علية نستنى وحبيت واحدة تانية نستك مين أنا نستك حبنا وأحلامنا اللى بنيناها سوا نستك عشنا الجميل نستك السهر الطويل خلاص أخدت مكانى وحبتها بدالى عندك حق أنا اللى عطيتك الفرصة خلاص رخصت على قلبك خلاص رخصت على نفسك وأنا المحبة الغالية خلاص حلت محلى فى قلبك نستك إسمى نستك مكانى وعنوانى ليه القسوة وأستنى الحنية ليه النسيان وأستنى تفكر فية ليه ترخصنى وأنت الغالى علية خلاص ما بقتش تحبنى ورخصت عليك دمعتى يا خسارة الأيام والليالى والأحلام والأمانى يا خسارة تفكيرى فيك وقلقى عليك فى غيابك يا خسارة حبى ليك وشوقى ليك فى بعادك عندك حق أنا اللى عطيتك الفرصة كنت تغلط فى حقى وقلبى يصفى ويسامح وأنت تغلطنى وقلبك يقسى ولا يصالح يا قاسى يا ظالم قلبى مش راضى عنك ربنا يسامحك على ذنبك عندك حق أنا اللى عطيتك الفرصة أنا مش حسأل عليك ولا ههتم بيك ما المسرحية إنتهت والستارة نزلت الناس صقفت للبطل اللى جرح قلب البطلة وألمها مثلت دورك ببراعة تستحق الجايزة بجدارة ربنا يوفقك معاها ويسعدك وياها ما إنتوا الإتنين ما تفرقوش عن بعض لأنكوا شبه بعض عندك حق أنا اللى عطيتك الفرصة 28/12/2005 8,40 مساءاً

ولو إنك بعيد عنى

ولو إنك بعيد عنى وعينية مش شيفاك لكن قلبى مطمنى ما هو عايش وياك فى بعدك عنى روحى ريحالك كل أمنيتى فى الحياة إنى أعرف أخبارك وأطمن عليك وأعرف أحوالك لكنى مش عارفة مكانك ولا ألاقيك فين؟ ولو إنك بعيد عنى يا ترى إنت هنا ولا هناك؟ بعيد فى البلد الجميلة أم عيون كحيلة ولا قريب قاعد على شط بلدنا الجميلة كنت بشتقلك وأنا جنبك ودلوقتى بحس بحرقة نار بعدك فاكر لما كنت تشوفنى وأسرح فى عينيك دلوقتى بقيت محرومة من لمسة إيديك من نظرة عينيك.من ضحكة شفتيك فاكر يا حبيبى زمان سؤالك تحرم علية الفرحة فى بعادك ولو إنك بعيد عنى إوعى تفكر إنى أقدر أنساك ده لا يمكن أبداً أخون هواك وفكر فى حد تانى وأقول كفياك لا وأحلف باللى سواك ده أنا أدوق المر ولا أكون جرحاك وهو فى أمر من عدم رؤياك ولو إنك بعيد عنى يا روحى يا متغربة مصيرك تقابلى حبيبك ويضمك فى عيونه ويقولك عمرى بين إيديك ولو حتى من بعيد نفسى أشوفك ولو ف ثانية يرضينى ألمح طيفك وف صلاتى أدعيلك ربنا يصونك ويحميك ويحقق أحلامك وأمانيك ويسعد لك أمسك ويومك وغديك ويعوض قلبى لسنين على شوقه ليك ولو إنك بعيد عنى 25/3/2009 9مساءاً

الكويت

بحبك وايض يا بلادى بحبك وأكره اللى يعادى إنتى ساكنة فى نيني عيونى وبين الضلوع بتكونى لو هانت علية الدنيا إنتى ما تهونى بقولها للعالم كله ويكفينى إنى أقولها بأعلى صوتى أنا .......كويتى بحبك وايض يا بلادى بالحب والحنان رعيتينى وجوة حضنك حمتينى يا مايا ياأم السمار سمارك من أرضك من شمسك .من قمرك.من بساتينك وأنا أخدته من نبع جبينك بحبك يا مايا بحبك يا كويت ده أنا لحم كتافى من خيرك أهلك أسراب فى عمل منظم زى الجيش اللى يحارب وما يهزم إحنا الكوايتة كلامنا كسيف اللى لا ينكسر ولا يتخدش بنحب الكل وما نعرفش نكره حتى اللى يعادينا ندعيله ربنا يهديه أ أه يا كويت بحبك وحبك بيجرى فى عروقى هامتك عالية ولا تنحنى إلا للخالق ربنا يصونك يا بلادى ويحفظك الله راضى عنك وحاميكى ماإنتى أل الجود وأل جابر الله يحفظك يا أرض العزة والكرامة ويبعد عنك صقور المهانة بحبك وايض يا بلادى جت أمم وراحت أمم وإنتى زى ما إنتى أصيلة وشامخة مرفوعة الراس ما إنتى عروسة الخليج وأغلى الناس إنتى الحب الأول والأخير تهون حياتى علية وأفديكى بروحى وعينية وإنتى ما تحنى الراس ما إنتى أغلى الناس يا غالية علية يا حب السنين اللى رايحة واللى جاية بأمر المعين بحبك يا كويت وبقولها بأعلى صوت بحبك وايض يا بلادى 25/3/2009 12 مساءاً

go to east

go to west

amr diab

is the best

فى حب مصر

متر الوطن بكام يا بلد؟
متر الوطن بكام؟
كل شىء له ثمن
والجيب خرمان
تيجى تخيطه تلاقيه عدمان
الفلوس اللى تيجى فيه
تطير زى الدخان
أقول إيه ولا إيه؟
والبلد فى حالة غليان
بركان حينفجر قريب
بس لسه ما أنش الأوان
أسعار نار ومواصلات لازمها إنتظار
والوقت يمر وإحنا لسه ركبين الحمار
حتى الأكل بقى فيه سرطان
فين زمن الجدعان؟
اللى ناسه كانوا يخافوا ع البلد زمان
راحوا مع اللى راحوا بعد ما ضاع الأمان
ليه يا مصر بقيتى وسط الجيران
مالكيش كلمة ولا موقف زى زمان
ولا لازم يطلع من قبره
اللى قال تأمم القنال
ليه بقيتى زى المواطن الغلبان
اللى مالوش كلمة وأخرته اللومان
ليه يا مصر قلبى وجعان
بكلام أقوله وإنتى مش سمعانى
ولا حسة بية ولا فهمانى
خللى بالك منهم
اللى فاكرينك سلعة فى دكان
10 مساءا"
16/3/2009

لوم وعتاب

لامونى على حبه ورضيت بللوم

كنت فاكرة حشوف هنا ولو يوم

ملقتش فى حبك غير الهموم

كنت بسهر ودمعتى على خدى كل يوم

عمرى ما دقت فى حبك طعم النوم

ياطول عذابى فى حبك

يا طول اسايا فى قربك

أعذارك بتبررها بتفاهة

ورودك بتقطفها بقساوة

اللى بنيته فى سنينمعاك

هديته إنت فى أيام

فكر فية ولو يومين

وإنسانى التمانية وعشرين

أنا مش حتذللك وأقولك أرجوك

أنا حاسيبك لضميركورب القلوب

20/6/2000

الشبح قصة قصيرة

في يوم من الأيام إهتزت الستارة من أمامي وظهر لي شبح أسود اللون ولكني لم أري منه شيء غير عينيه لأنه كان ملثم ورأيت في عينيه شعاع يحمل معه الغضب وفزعت من هول المفاجأة وهرولت إلي الباب المقفول لأفتحه وأهرب منه إلي الخارج ولكن الشبح لم يعطني فرصة وظللت أصرخ وأصرخ وهو يقترب أكثر وأكثر وأنا خائفة من هيئته المخيفة لقد ذكرني هذا المنظر بالأسد عندما ينقض علي فريسته ويلتهمها ويقطعها إربا إربا وها هو لقد إقترب مني ووضعني بين يديه المحوطة علي والموضوعة علي الباب وأنا يكاد قلبي يقع علي قدمي من الفاجعة ومن نظرات عينية الثاقبة وسألني بصوت غليظ:
* لماذا إستدعيتيني ؟
- فقلت له بفزع : إنني لم استدعيك لأني لا أعرفك فمن أنت؟
* فقال لي : أنا الوجه الأخر للعملة أنا الشىء الذي تكرهوه أنتم البشر أنا الحزن والكآبه واليأس وفقد الامل
- فقلت له مرحبة : أهلا وس...
وقبل ان أقولها قطع حديثي وقال لي : لماذا ترحبي بي ؟ لماذا لا تعيشين حياتك وتنظري لها باللون الأبيض وأنتي مازلتي صغيرة
ولكن المفاجاة زادت وقل خوفي منه , لقد قال لي هذا الكلام بصوت حنون شعرت معه بالدفىء
فقلت له : الدنيا طعنتني في ظهري
· فقال لي : قومى وأنت مطعونة وواصلى حياتك بدلا من أن تموتي وأنتي مستسلمه , ما الذي سيفيدك إذا عشتي في الأحزان , انظري لطريقك باللون الوردي, إجعلي أيامك سعيدة وهذا بيديك وأنا أعلم إنكي ستستطيعين ذلك أرجوكي إتركيني أمضي لإنني لا أريد أن أعيش في هذه الدنيا وأري في عيون الناس الحزن وأولهم انتي فمهما كانت الأحزان المليئة بها حياتنا والمصائب والمصاعب التي تأتي علينا إلا اننا يجب أن نأخذها ولو بابتسامة , إلي اللقاء يا بنيتي ولا أريد أن أراكي مرة اخري
وإختفى الشبح الأسود الملثم وفجأة صحوت من نومي علي صرخة صرختها بكل قوتي وأفزعت من معي ووجدت أن هذا الشبح وحديثي معه ليس إلا حلما حلمته وأنا في حالة يأس لذلك جائني الحزن لحالتي النفسية السيئة والشبح الذى جائني ليس إلا ضميري وهو يؤنبني علي حياتي التي أضاعتها على الحزن فقط وأمامي الحياة طويلة وأنا صغيرة في السن وبرغم الظروف الصعبة التي يمر بها الإنسان إلا إنها تحتاج ولو لشىء بسيط جدا وهو البسمة

31/8/2000
الساعة 4:20 ص

العصفورة اليتيمة

إهداء إلى ماما سعاد حسنى عن دورها فى فيلم(صغيرة على الحب)
لوفتحتوا قلبي تلاقوها . لوبصيتوا لعيني تشوفوها
لوسلمتوا علية تلمسوها. لو همستوا لودني تسمعوها
أجمل طلة وأجمل عيون . أحلى بسمة وأجمل جفون
هي الفرحة والشجون . وهى الرزانة والجنون
أجمل ضحكة وأرق صوت .هي الحب اللي ما يفوت
هي (السفيرة) و (الاميرة).وهي (العصفورة اليتيمة)
وشوشتها وشوشة عصافير. قلبها قلب كبير
طيب وحنين ومالوش مثيل . هي الفن اللي صعب يتكرر
وهي العشق اللي صعب يتفسر
هي المنال و (نوال) .وهي الجمال و (إحسان )
هي إللي صوتها يونسني .وهي إللي بغيابها صدمتنى
هي إللي ايديها تغسل دمعي.وهي إللي برحيلها بكتني
هي إللي عليها فتحت عيني .وهى إللى فجرت ينابيع أنينى
عرفتها هى مين.هى ست الحلوين.هى الجرح الأليم
هى المظلومة المجروحة وجرحها ماندمل
وداسوا عليها برجليهم وخلوها تنزف وما رحموها
جرحوها بقلمهم وما سمعوها
وخلوها تبكى وقتلوها .هى القمر إللى بكى
هى الشمس إللى إنطفت.هى البحر إللى جف
هى الشجرة إللى دبلت. وهى الوردة إللى إنقطفت
هى الأم والأخت .وهى الإبنة والصديقة
هى الحبيبةوالخليلة.وهى الدمعةالحزينة
هى(الحب الضائع).و(الحب الذى كان)
هى(غصن الزيتون).إللى إنكسر قبل الأوان
هى الوجود إللى ما بقاش فى الإمكان
هى(الصغيرة على الحب).وهى(سميحة عبد السلام)

14/12/2005
الساعة 10:45مساءا

ولاد مصر

مصرية..مصرية

حنا وأحمد دول ولادى

عمرى ما فرق بينهم

وأقول ده مسلم وده مسيحى

ما الدين لله والوطن للجميع

إتفقوا الإتنين على حب وطن واحد

وعلى عبادة رب واحد

فى الجامع والكنيسة

إتعلموا حب مصر ما هما حتة منى

مصرية..مصرية

يا ما ضحيت بدم وشباب ولادى

عشان خاطر إخواتى

من فلسطين للبنان

للجزائر لعمان

الدم راح هنا

وسال هناك

كلهم معزتهم واحدة

حتى لو جرختنى أى واحدة

ما أنا الأخت الكبيرة

بسامح وبنسى

ومقدرش أقسى

أصل الطيبة إتولدت من حلروفى

مصرية..مصرية

21/1/2009

10,30مساءا"

وعجـــــــــــــــــــــبى إهداء إلى الأستاذ صلاح جاهين

عجبى ع الشتا لما يدخل علينا
بيعيشنا فى جو البرد وبيسقعنا فى ليالينا
بيخلينا نقفل البيبان علينا
بيخلى شعاع الشمس ما يوصلش لعنينا
الجو يبقى مغيم واللمة حوالينا
حاجات كتير بتنام ولا تصحى
لكن فى حاجات بترفض تموت فى الشتا
زى النحلة بتمص العسل وتعطيه لينا
الوردة بتقاوم المطر عشان ما توقعش ويداس عليها
الفلاح عنده إرادة يشغل فى المطر
عشان يكسب بعرق جبينه
بدل ما يمد إيده ويقول لله يا محسنين ساعدونا
وعجـــــــــــــــــــــــــــــــــــــــــــــــــــــــبى
29/5/2000

موال عربى

قالولى حتسافرى بكرة على لبنان

قولتلهم ده أنا حاروح بلد جبران
وقلبى جامعة عربية
سوريا ولبنان عينية
والأردن بنت جنية
المغرب العربى مهلبية
ليبيا والسودان إخوات لية
قطر والبحرين جوزية
العراق والكويت سمسمية
الإمارات وحى وغالية علية
سلطنة عمان وموريتانيا يموتوا فية
فلسطين قلبى ومصر دمى
ورب موسى وعيسى ومحمد
لحط العرب كلهم فى عينية
إسمعونى يا عرب فى الكلمة دية
لو الشيطان فرق ما بنا
ووسوس بين هو وهى
السعودية تجمعنا
فى الكعبة دية
10/5/2005

أحبه مهما أشوف منه

أخدنا ايه من الحب لما حبينا

غير التعب والسهر والدمع لعنينا

وياريتنا بنحبه وهو داري بينا

ده بيروح ويسيبنا لوحدينا

نشكي عمايله لليالينا

ده حتى مش بيسأل علينا

ولا بيهتم بالي فينا

بس مهما اشوف منه

حفضل على طول احبه

6/6/2000

بيع وشراء

رجعلى دلوقتي والدمعة مالية عنيك
كنت فين لما قلبي كان بيجري عليك
كنت فين لما دموعي كانت تسبقنى علي وسادتي
كنت فين لما كنت اصحى على أمل وأنام على ألم
كنت فين بعد كل ده
كنت بعيد عنى
كنت بتجرى ورا نفسك اللى بتحبها وبتعبدها عبادة
كنت ورا أنانيتك وحبك لذاتك اللى بتتفانى فى حبه بزيادة
وأنا كنت نقطة فى بحرك
فى بحلر ظلمك وجرحك وإهمالك لية
فاكر لما كنت بتذللك ودموعى على خدى
فاكر لما كان حبك طوق يزين جبينى
زمان كنت شيراك بالغالى
وإنت كنت بايعنى بالرخيص
دلوقتى ..أنا اللى بيعاك..وإنت اللى شارينى
11/5/2000

لن أنساكى أبدا"(رسالة محبة لشادية)

يا شادية يا صوت مصر

أوصفك ب إيه مالكيش حصر

من شبكنا ستايره حرير

من نسمة شوق بيطير

لصوت زى العصافير

كنا ومازلنا معاكى

نسمع صوتك الجميل الصافى

أقول إيه على لحن الوفاء

وإنت وحليم أخر صفاء

وحاجة غريبة تجمعكوا

وتجمع قلوبنا وياكوا

يا شادية يا فاطمة

ياأحلى سهير

حقول إيه عليكى

وإنتى حبيبة قلبى وروحى وعينى

وماتقولش بكرة وياكوا بنسمعها

وبنسى إمبارح ويومنا معاكوا

ويا سلام على أحلى كلام

ده يا شادية أحلى كلام

يا شادية يا شدوى مصر

مقدرش أنساكى وأنساكى إزاى

وياسلام على حبى وحبك

قولتيها مع ملك العود

فين أيامك إنتى وفريد

وحشتينا يا شادية

ووحشنا فنك الجميل

وأنا مسافرة ومتغربة عن بلدى

أإلاقيكى معايا بتمسحى دمعى

وتقولى مسافر

ولما أنجح أقول ألو ألو إحنا هنا

أنساكى إزاى يا شادية

وأنا خايفة على اللى حيسافر

وتيجى فى بالى اغنيتك

قولوا لعين الشمس ما تحماشى

لحسن حبيب القلب صابح ماشى

يا حبيبتى يا شادية

أقول إيه على الصوت العذب

أقول إيه على إحساسك الصادق

أيام 67 لن ننساها أبدا"

وبحر البقر بدموعها تنادى عليكى

وتلبى الندا وتقولى

الدرس إنتهى لموا الكراريس

إنتى تقولى:يا حبيبتى يا مصر

وأنا أقول :يا حبيبتى يا شادية

ياصوت مصر

يا شادية الوادى

وحشتينا يا شادية

21/9/2002

الساعة 3,10 صباحا"

يارب

يا رب العالمين

يا مجيب السائلين

يا مجزي الشاكرين

يا معطي الصابرين

يا أرحم الراحمين

يا غافر للتائبين

إغفرلنا ذنوبنا

وإجعلنا من القوم المؤمنين

يارب اسلمنا وجهنا لك

وأخلصنا في عبادتك

يا رب إجعلنا مسلمين

نؤمن بكتبك السماوية

التي انزلتها علي المرسلين

فانت رب العباد

ورب هذا الكون العظيم

آمنا بالتوراه والانجيل والقرآن الكريم

آمنا برب موسي وعيسى ومحمد

اللهم صلي وسلم وبارك علي جميع المرسلين

27/8/2000 الساعة 4 صباحا

واقدساه

أين أنت يا صلاح الدين

يا من انتصرت فى حطين

أين أنت يا سلطان المسلمين

يا من استرددت أرض النبيين

أين نحن من أيامك من انتصااتك وايمانك

هب يا صلاح الدين من قبرك

وأنظر الينا واعلم حالنا من بعدك

ولكنى أراك تشمئز مننا

ومن فراق أيدينا من بعضنا

حتى الأن مازالت الخصومات موجودة

وطرق الحقد والكره ممدودة

وعندك حق يا سلطان المسلمين

فنحن العرب غير قادرين

على استرجاع بيت المؤمنين

أين نحن من شجاعتك واقدامك

أكتب ذلك وقلبى يتقطع

والدموع تنهمر على وجنتى

لما يحدث على أرض النبيين

فقبة الصخرة تبكى

بعدما أسرى رسولنا الكريم عليها

وحدثت المعجزة

معجزة الأسراءوالمعراج

يقولون ويكذبون افتراء"

انها ملكهم

ولكنها ملكنا نحن العرب

ففلسطين مسلمة وستبقى كذلك

ولم تكن أبدا"يهودية

وبيت المقدس دائما"وأبدا عاصمة لفلسطين

وسوف نسترجعها ولو بعد حين

25/8/2000

المستحيل

انه من المستحيل أن أصل اليك
انك كالنجم العالى فى السماء
تعيش مع السحب البيضاء وأنا هنا على الأرض
أعيش كالجسد بدون روح
أشب بيدى لأصل اليك وتأتى محاولتى هباءا"
فأنت أمير هذه البلدة وأنا انسانة من الرعية
أضع سلم العمروأقف على أطراف أصابعى
ولا أصل اليك لأن العمر قصير عليك
انك أمير أحلم بك فى أحلامى لكنها أوهام
فكيف بلبابن الأمراء ينظر الى فتاة بنت رجل بسيط
انك بعيد المنال ولم يأتى اليوم الذى أكون فيه معك
اننى كالطفل الذى يتمنى لعبة ويراها أمامه ولكن لا يقدر على مسكها
فيجب علية أن أترك الأحلام والأوهاموأنظر الى واقعى
11/9/2000

عيد الميلاد

كل سنة وانت طيب يا حبيبى
كل سنة والحب بينك وبينى
كل سنة وهو عايش جوانا
كل سنة واحنا بنتنفسه فى هوانا
كل سنة والعوازل بعيد عنا
ولا حد يقدر يفرق ما بنا
كل سنة واحنا سوى بنبني عش الهوى
ربنا يخليك ليه ويحفظ ليالينا الهنيه
ويبعد عننا دموع الهجر وكتر الاسيه
10/2/2000