إسمى: إيمان حسن كامل
جنسيتى :مصرية
من أرض إسكندرية المارية
عشت بالمنشية
مع جارتى عواطف المسيحية
فى العيد الصغير والكبير يعيدوا معانا ويدونا العيدية
وف عيدهم نفرح معاهم وناكل كحكاية بالعجمية
عمرى ما قلت ده مسلم ودى مسيحية
على طول بقول دى مصرية من أرض مصرية
الدم خفيف والقلب أبيض من اللبن الحليب
مين قال إن إحنا عدوين
ده إحنا واحد مش إتنين
مالناش غير رب واحد
رب الكنايس والمساجد
مين حارب فى 56 وإنتصر فى 73؟
مين إدفن حى فى 67؟
همة فرقوا بين الديانتين؟
دول قتلوا المصريين
ومهمهمش بيقروا قرأن ولا بيرتلوا الإنجيل
يا حنا يا أحمد بقولكم إيه:
موسى نبى عيسى نبى محمد نبى
وكل من له نبى يصلى عليه
4/1/2011
11,30 مساءاً
