إسمى: إيمان حسن كامل
جنسيتى :مصرية
من أرض إسكندرية المارية
عشت بالمنشية
مع جارتى عواطف المسيحية
فى العيد الصغير والكبير يعيدوا معانا ويدونا العيدية
وف عيدهم نفرح معاهم وناكل كحكاية بالعجمية
عمرى ما قلت ده مسلم ودى مسيحية
على طول بقول دى مصرية من أرض مصرية
الدم خفيف والقلب أبيض من اللبن الحليب
مين قال إن إحنا عدوين
ده إحنا واحد مش إتنين
مالناش غير رب واحد
رب الكنايس والمساجد
مين حارب فى 56 وإنتصر فى 73؟
مين إدفن حى فى 67؟
همة فرقوا بين الديانتين؟
دول قتلوا المصريين
ومهمهمش بيقروا قرأن ولا بيرتلوا الإنجيل
يا حنا يا أحمد بقولكم إيه:
موسى نبى عيسى نبى محمد نبى
وكل من له نبى يصلى عليه
4/1/2011
11,30 مساءاً
هناك 6 تعليقات:
الي ابنت بلدي
الي عروس الاسكندرية
ارق مخلوق
ايمان حسن كامل
ما اجمل كلماتك
والاجمل احساسك
وقلبك الجميل
يا بنت المنشيه
بمحافظة الاسكندرية
ياعروس الاسكندرية
يا اميرت البحور
فاتي مثلها ماريا
خالص التقدير والاحترام لك
رسام الملامح
محمد سعيد سويلم
وشهرتي سعيد سويلم
اشكر حضرتك على الكلمات الرقيقة دى واتمنى القادم يحوز اعجاب حضرتك وشكرا لتعليقك
هذا العمل تم نشره فى جريدة المصرى اليوم بإسم إحنا واحد مش إتنين
كلامك جميل و لابد ان يفهم بقه الجميع انه ليس هناك مسلم او مسيحي او اي ديانه اخري هناك حاجه واحده فيه الانسان المصري ولابد الناس بقه تصحي و منفضلش نقول ده مسيحي او مسلم او او او و نعطي الفرصه لاي شخص يوقع بنا كفانا ياناس ازاي هنسبت ان قلوب كل المسلمين من جواها كده طب احلف لك علي المصحف؟؟؟؟؟؟؟
ميرسى على تعليقك يا استاذ عادل واتمنى دوام التواصل
جميييييييييييييلة جدا
انا نعمة بس بجد جميلة وكلام جميل لايق على اللى احنا فيه
إرسال تعليق