بقينا أنتيكا دقى يا مزيكا
الثلاثاء، 3 ديسمبر 2013
الثلاثاء، 10 سبتمبر 2013
الاثنين، 18 مارس 2013
بنت تايهة يا ولاد الحلال
بنت تايهة يا ولاد الحلال. اسمها مصرية
قوامها ممشوق.عيونها سود زى حتشبسوت
فيهم شوية حزن .بس حبة وحيفوت
بئالها سنتين شايلة الهم والقهر
كل يوم عيالها بيموتوا فى البحر
بيتعاركوا ع السمك اللى مالى الشط
فاكرينه حينجيهم من العيشة القحط
*بنت تايهة يا
ولاد الحلال*
عينيها فيها حزن الدنيا والاخرة
ماهى شايفة انه مفيش فايدة
عيالها بيقتلوا بعض على ايه متعرفش؟
شافت الذل والمهانة تلاتين سنة
ولما قام ولادها وقالوا حرية
طارت من الفرحة وئالت يا فرحتى بالثورة دية
*بنت تايهة يا ولاد الحلال*
بس دلوئتى وشها الجميل بئى معفر
ضهرها انحنى مش شوية لأ اكتر
مكنتش تتوقع ان كبت السنين
حيجبلها ضرة رزية
دمها سم وشها كشر شبه خالتى ام شلبية
مش هى ديه الحياة اللى كانت عايزاها
ولا الامانى اللى كانت بتتمناها
*بنت تايهة يا ولاد الحلال*
الضرة الرزية عايزة تتحكم فيها ومزوداها شوية
شكلها كدة ست امية مئرتش تاريخ
ولا جغرافية البنت المصرية
متعرفش انها جريئة قوية
هى نست نفسها ولا ايه؟
دى يا دوبك بئالها 80 سنة!!!
ايش جابها للى بئالها 7000 سنة
هو التفاح يتساوى بالجميز
عيشنا وشوفنا يا ولاد
· بنت تايهة يا ولاد الحلال*
ده لا يمكن حد يتحكم فى البنت المصرية
اللى قامت من مكانها تدافع عن حقها
وحق ولادها اللى ادفنوا فى ارضها
بس من ساعتها وانا مش لاقياها
سالت عليها العم حسين والخال جرجس
لا ليها خبرعند فاطمة
ولا ليها حس عند نرجس
يا ترى انتى فين يا مصرية .يا ترى انتى فين يا مصرية
لوحد لئاها ياريت يئوللها .وحشتينا يا بلدنا
وحشتينا يا بهية
الاشتراك في:
الرسائل (Atom)